今日年三十，執完屋就出去買下衫同辦年貨，順便去荔枝角某個市集睇下。
市集內人來人往，氣氛好好。
黃昏美景下，加上每一檔都開咗少少盞黃燈，檔主都熱情好客，呢個畫面令人感到一絲溫暖
離開時，隔離就係荔枝角收容所，見到好多在囚人士對住我地不斷揮手，雖然唔知佢地講咩，但見佢地動作同興奮嘅舉動，大概突然見到咁多人出現而開心吧？
我周圍望下，發覺好多人都無留意到。
我望住佢地，一諗到如果佢地係手足，我就鼻頭一酸，一種莫名嘅失落感從內心湧出嚟
最後，我對住佢地真誠地點頭，然後揮手講聲：「感謝你地，新年快樂，手足平安。」
雖然現時唔知可以做啲咩，但我可以想像到你地節日底下仍然還押嘅痛苦，你地嘅家人應該快樂不到吧。
但點都好，希望你地每一個都一切安好。
Search